پچھلے کسی شمارے میں کچی ہلدی اور دیگر میوہ جات کے ساتھ حلوہ بناکر سردی سے بچائو کے لیے کسی مخلص نے تحریر کیا جو کہ ایک مہنگا نسخہ ہے ہر کوئی افورڈ نہیں کرسکتا میں اس کا آسان حل بتاتی ہوں میرا آزمودہ ہے۔ نزلہ زکام، کھانسی سے پوری سردی بچائو رہے گا بلکہ سارا سال استعمال کریں ہلدی اپنے طبی فوائد کے حساب سے بے مثال ہے۔ہلدی کو صرف سردی کے ساتھ منسوب نہ کیجئے یہ سارا سال کھانے والی چیز ہے‘ آپ کے اندر قوت مدافعت پیدا کرتی ہے اور سارا سال امراض سے بچاتی ہے۔ امراض معدہ و جگر اور جسمانی کمزوری سے آپ کو ہمیشہ محفوظ رکھے لہٰذا سردی ہو یا گرمی ہلدی کا استعمال ہرگز نہ چھوڑئیے‘ چلیے اب نسخہ بتاتی ہوں:۔ ھوالشافی: کچی ہلدی اچھی طرح دھوکر باریک چھلکا اتار کر یا ویسے ہی کاٹ کر گرائنڈ میں پانی ڈال کر یا کوکنگ آئل ڈال کر پیس لیں ‘ پھرفریج میں رکھ لیں جب بھی کھانا بنائیں ہنڈیا میں ایک کھانے کا چمچ ضرور ڈالیں اور سردیوں میںرات کو سوتے وقت آدھی چمچ گرم دودھ میں ڈال کر پئیں سوجن ورم درد کسی بھی قسم کا ہو یا نزلہ زکام فوراً آرام آتا ۔ہے گرمیوں میں ہلدی خود پسوا کر کیپسول میں بھرلیں‘ ایک کیپسول روزانہ ضرور کھائیں۔ آپ ہر قسم کی کمزوری سے محفوظ رہیں گے اور صحت بھی بھرپور ہوگی۔(رابعہ عبدالحمید، کراچی)